სრულიად და სავსებით სინონიმური მნიშვნელობის ზმნიზედებია და ნიშნავს - მთლიანად, სულ. მაგრამ მათი გამოყენების არე განსხვავებულია. შეცდომები ხშირად გამოწვეულია იმით, რომ მოსწავლემ არ იცის თითოეული მათგანი რა შემთხვევაში გამოიყენება.
დავიმახსოვროთ:
სრულიად გამოიყენება უარყოფითი მნიშვნელობის სიტყვებთან და უარყოფით ნაწილაკებთან.
• სრულიად მიუღებელია სრულიად არ მეშინია
• სრულიად დაუჯერებელია სრულიად უსამართლოა
• სრულიად გაუგებარია სრულიად უსაფუძვლოა
• სრულიად არ მაკმაყოფილებს სრულიად მოულოდნელია
სავსებით კი გამოიყენება დადებითი შინაასის სიტყვებთან.
• სავსებით მისაღებია სავსებით სამართლიანია
• სავსებით დამაჯერებელია სავსებით საფუძვლიანია
• სავსებით გასაგებია სავსებით მოსალოდნელია
• სავსებით აკმაყოფილებს სავსებით დამაკმაყოფილებელია
რაც შეეხება სიტყვას - აბსოლუტური, პირველ რიგში, დავიმახსოვროთ, როგორ იწერება : აბსოლუტური (და არა აბსოლიტური ...). აბსოლუტური საერთაშორისო სიტყვაა და მისი ქართული შესატყვისია სრული. მისგან ნაწარმოები ზმნიზედა აბსოლუტურად ფართოდაა გავცელებული როგორც სალიტერატურო, ისე სასაუბრო ენაში და ერთნაირად ენაცვლება ზმნიზედებს : სრულიად და სავსებით.
No comments:
Post a Comment