თხზულება– გამოცანა

"ყოველთვის რაღაც ადგილზე ვარ, სახლშიც, ეზოშიც. არც ხელიმაქვს, არც ფეხი, მაგრამ ყოველთვის მიკრული მაქვს ჭიკარტი, ხან– წითელი, ხან– ლურჯი. ძალიან მეწვის, მაგრამ ხანდახან მეგობრებიც მიჩნდებიან. ესენი ფურცლებია. ხან ჭიკარტებთან ერთად მოდიან და ხან– სკოჩთან. ჩემი მეგობრები არიან სარკეებიც, სურათებიც.
  მე ფერი მაქვს, ჩემი ფერი ცისფერია. იმედია, რამე კარგი გამომიჩნდება დღეს. ისეთი, რაც მესიმონება და არა ისეთი მწარე, როგორიც ჭიკარტია."

(პასუხი დაწერეთ კომენტარებში)

თხზულება– გამოცანა

"მე სულ ვიღაცის თავზე უნდა ვიჯდე, როცა გარეთ არიან. ისინი თბილად არიან, მე კი სულ მცივა. სახლში როცა მიდიან, თავბრუ მეხვევა, ისე მათამაშებენ, მერე სადღაც ჩამომკიდებენ. ზოგი ზედ მაჯდება, ვერ ვიტან, ამას რომ აკეთებენ. აი, მალე ზამთარი მოვა და მე კვლავ გავიყინები."

(პასუხი ჩაწერეთ კომენტარებში)

თხზულება– გამოცანა

"ჩემზე ტალახიანი ფეხებითაც დასეირნობენ, ის ტურტლიანი ძაღლი კი სულ მე მლოკავს ან თავის ბინძურ საქმეებს ჩემზე აკეთებს. ქეიფის დროსსქელ–სქელი, ხუთნაკეცღაბაბიანი კაცები, ფეხებით მდგებიან. ის სულელი დამლაგებელი კი რაღაც ქიმიური ხსნარებით უმკლავდება ჩემზე დადებულ ტალახს. ყველაზე ცუდი კი ის არის, რომ ის წყეული ხულიგანი ბაშვები დივანიდან გულზე მახტებიან."
(პასუხი დაწერეთ კომენტარებში)

თხზულება– გამოცანა

 "მე მოხდენილი ვარ, ლამაზი, ვიპრანჭები.
ზოგიერთ ადამიანს ჩემი პატრონის შურს და შემდეგ ან მასზე გადავდივარ, ან ჩემს ტყუპისცალს ვხედავ მეორე დღეს. ხანდახან ბრილიანტი მამშვენებს ან სხვა რამ ძვირფარსი თვალი. მე არ მიყვარს ქაჯანები, რადგან მათ შეუძლიათ რაღაც "დებილობასთან" ერთად შემახამონ, ვითომ ძალიან ლამაზია. ასეთ დროს მართლა დაკარგვა მირჩევნია.
   კიდევ ვერ ვიტან მსუქან სახლებს, სადაც დღის ნაწილს ვატარებ, სულ ვიჭედები და მერე წყლით მასველებენ. მეც ვსველდები!
 მარტო ჩემი პირველი სახლი მიყვარს, იქ ბევრი მეგობარი მყავს, მივლიან , მწმენდენ. იქაურობა ბრწყინავს, მიყურებენ, მაქებენ."

(პასუხი დაწერეთ კომენტარებში)

გამოცანა–თხზულება

"ყველა სახლში ვარ. მთელი დღე ჩემს წელზე დადიან. ზოგ სახლში ისეთები ცხოვრობენ..... განსაკუთრებით ბავშვები მიშლიან ნერვებს. ხანდახან ლამაზად მაცვია, ხან–არა. ოპერაშიც ვყოფილვარ. საბალეტო სცენაზე რომ ვარ, მაგას ვერ ვიტან ყველაზე მეტად– დახტიან, დახტიან... მოკლედ, ყველგან ვარ, სადაც შენობაა."

(პასუხი დაწერეთ კომენტარებში)

თხზულება– გამოცანა

ავტორი: ექსტრემალი (სტილი დაცულია)

"გამარჯობა! არ გაგეცნობი თავიდან, რადგან მინდა რომ თავად მოიცნო ვინ/რა ვარ. შევეცდები ჩემს მონაყოლში მიგახვედრო თუ რა დანიშნულება მაქვს.
პირველ რიგში მინდა გითხრათ რომ მყავს ტყუპისცალი რომელიც მოპიდაპირე ქუჩაზე ცხოვრობს. ჩვენ ზუსტად ერთნაირი სახლები გვაქვს და ორივე ერთმანეთთანაა თითქოს რაღაცით დაკავშირებული.
ჩვენ ყველაფერს ერთად ვაკეთებთ, რაც არ უნდა იყოს. მაგალითად საქმიანი საუბარი, ლაპარაკი ან მუსიკის მოსმენა. (იმედია ცოტათი მაინც მიხვდით : ) )
როგორც მიღებულია საზოგადოებაში რომ ტყუპისცალები ერთმანესთ უნდა ჰგავდნენ, ჩვენც ასე ვიქცევით. მეც და ჩემს ძმასაც გვყავს შინაური ლოკოკინა რომელიც ჭრიჭინებით იკვებება. როდესაც ლოკოკინა აბინძურებს თავის სამყოფელს ჩვენ ბამბით

სხვათა სიტყვათა მართლწერის საკითხები

უფრო მეტი გრამატიკა

            ქართულ ენაში არის ნაწილაკები –მეთქი, –თქო  და –ო. მათი დანიშნულებაა მოსაუბრის ნათქვამის უცვლელი გამეორება, ამიტომ ამ ნაწილაკებს სხვათა სიტყვის ნაწილაკებს უწოდებენ.

     –მეთქი ნაწილაკი წარმოშობით წინადადებაა (< მე ვთქვი) და იხმარება მაშინ, როდესაც პირველი პირის (მოსაუბრის) ნათქვამი უნდა გავიმეოროთ. მაგალითად,

·         მე გითხარით, ვისაც დავალება არ ექნება ექსკურსიაზე ვერ წამოვა–მეთქი.

·         აკი გითხარი, ასეთ ამინდში გარეთ თუ გახვალ, გაცივდები–მეთქი.

·         მე ვკითხე კიდეც , ასე რატომ ჩქარობ–მეთქი.

     –თქო  ნაწილაკი იხმარება მაშინ , როდესაც პირველი პირი (მოსაუბრე)

აბრევიატურები

       ადგილისა და დროის ეკონომიის მიზნით სიტყვათა შემოკლება ძველ ქართულშიც ხდებოდა. თანამედროვე აბრევიატურების წინაპრად თამამად შეგვიძლია მივიჩნიოთ ქარაგმები. ძირითადად მოკლდებოდა სასულიერო ტექსტებში ხშირად გამოყენებული სიტყვები და მიმართვები. ქარაგმის ნიშანია  ~, რომელიც შემოკლებული სიტყვის თავზე იწერებოდა.                                  

  მაგალითად, ოოშე= უფალო, შემიწყალე, ხ = ხოლო,რ = რამეთუ,ად = არამედ,              ვდ = ვითარმედ.

    იმისათვის, რომ სწორად დავწეროთ აბრევიატურები და არ დავუშვათ შეცდომა, უნდა გავითვალისწინოთ შემდეგი: 

სიყვარული

ავტორი: მეოცნებე მეათეკლასელი                                  

    

      გრძნობა, რომელიც დაუპატიჟებელი სტუმარივით მოდის და კარებზე გიკაკუნებს, შენც კარებს აღებ და „ავადდები“. სიყვარულის გარეშე ცხოვრება აზრს კარგავს, როდესაც გიყვარს ხარ ბედნიერი, თან უბედურიც. ის ტკივილს გაყენებს, ხშირად ტკივილი ისეთია, რომ თავის მოკვლაზეც კი ფიქრობ. ნამდვილი სიყვარული მაშინაა, ჩემი აზრით, როდესაც ის ორმხრივია, მაშინ ის ყველაზე ლამაზია. ამ დროს ცხოვრებას სხვა იერსახე ეძლევა და ადამიანი ყველაფერს განსხვავებულად უყურებს. ამ ყველაფერს კი დიდი სიხარული მოაქვს. ბედნიერებაა, როდესაც იმ ადამიანს გაუზიარებ შენს გრძნობებს, იმ გრძნობებს, რომლებიც დიდი სიღრმიდან მოდის და უზარმაზარი ტალღასავით გფარავს, როდესაც შენი საყვარელი ადამიანი იღიმის შენ დანახვაზე და ყოველ შენს სიღრმიდან ამოფრქვეულ გრძნობაზე ანალოგიურად გპასუხობს, როდესაც მას რთულ

ზმნისწინთან დაკავშირებული მართლწერის საკითხები

   1.დავიმახსოვროთ: ზმნისწინი იხმარება ზმნის პირის ნიშნის წინ! დაუშვებელია ზმნისწინის შემადგენელი ნაწილების გათიშვა და მათ შორის პირის ან ქცევის  ნიშნის ჩასმა!!!!!!!

აღვნიშნავ               და არა      ავღნიშნავ

აღვფრთოვანდი   და არა      ავღფრთოვანდი

აღვზარდე             და არა       ავღზარდე

აღვშფოთდი         და არა      ავღშფოთდი

განიკურნა             და რა       გაინკურნა

განივითარა           და არა      გაინვითარა

განუვითარა          და არა      გაუნვითარა

გაითავისუფლა    და არა      გაინთავისუფლა

გაათავისუფლა     და არა      გაანთავისუფლა

2. გან, აღ, წარ ზმნისწინების ბოლო თანხმოვანი (ნ, ღ, რ) არ უნდა იყოს უზმნისწინო

ზმნისწინი

       ზმნისწინი იგივე პრევერბი ზმნას თავში დაერთვის. ზმნისწინის გამოყენების თვალსაზრისით ქართულში ზმნები სამგვარია:
1. ზმნები, რომლებიც საერთოდ არ დაირთავენ ზმნისწინს (აქვს, ჰყავს, უყვარს..)
2. ზმნები, რომლებიც უზმნისწინოდ არ გამოიყენება (მოფრინდა, მიდის, გაიგო...)
3. ზმნები, რომელთაც შეუძლიათ ზმნისწინი დაირთონ ან არ დაირთონ.
ზმნისწინის დართვით ზმნამ შეიძლება:
I. გამოხატოს მიმართულება (გეზი)

კამპანია და კომპანია

         უცხოური წარმოშობის ეს ორი სიტყვა – კამპანია და კომპანია – ხშირად ერევათ ერთმანეთში. ორივე ნასესხებია ფრანგულიდან და ქართულში შემოსულია რუსულის გზით.

      კომპანია (ფრანგ. Compagnie) არის სავაჭრო, სამრეწველო, სატრანსპორტო ან სხვა სახის გაერთიანება, ამხანაგობა. მსგავსი სხვადასხვა სახის გაერთაიანებებია: ფრიმა, კარტელი, სინდიკატი, ტრესტი. მაგალითად, „ამ ბოლო დროს საქართველოში მრავალი ფირმა და კომპანია გაიხსნა.“

·         ფირმასა თუ კომპანიაში შეამხანაგებულ პირებს კომპანიონები ეწოდებათ.

     უნდა ვთქვათ სიტყვა  კომპანია (და არა კამპანია), როდესაც ვგულისხმობთ

წიგნები და მე

ავტორი: წიგნიერი მეშვიდეკლასელი (სტილი დაცულია)

  კითხვა არის ინფორმაციის მიღების პროცესი და არა მარტო. ამ დროს ადამიანი განიცდის  სიამოვნებას წიგნის კითხვისგან.
   წიგნის კითხვის დროს იღებ ზოგად განათლებას, ზრდი  ცოდნას, უფრო მეტ სიტყვას იძენ და ამატებ ლექსიკონს, რომელიც ყოველი წიგნის წაკითხვის შემდეგ ჩნდება თავში. ამის გამო  ადამიანის მეტყველება უმჯობესდება და მრავაფეროვნდება.
    წიგნის კითხვისას იცვლება სამყარო, თავს რომელიმე პერსონაჟად წარმოიდგენ და ერთვები მასში. ყველა ადამიანს თავისი აზრი და გემოვნება აქვს, ამიტომ ის თავის შესაფერის წიგნს ირჩევს, რის შემდეგადაც ხედავს გარემოს, რაც წიგნშია.
   არსებობენ ადამიანები, რომლებიც წიგნებს არ კითხულობენ, რის გამოც ისინი ბევრს კარგავენ. მათ არ იციან წიგნის ფასი.
   ის შეუფასებელია!!!
   წიგნის კითხვა ახალი მეგობრის შეძენაა!
  არსებობს ჩამონათვალი წიგნებისა, რომლებიც უნდა წაიკითხო სიცოცხლის ბოლომდე. მთელი მსოფლიო ცდილობს, ადამიანი უფრო წიგნიერი გახდეს, რისთვისაც ბევრი ფული იხარჯება. მართავენ წიგნის ბაზრობებს და ყიდიან ლამაზად გაფორმებულ წიგნებს.
   წიგნების შესაყვარებლად
1. უნდა წავიკითხოთ რაიმე ერთი წიგნი. (მოგვწონს თუ არა, გვინდა თუ არა– მაინც).
2. შემდეგ ნელ–ნელა  გავზარდოთ რაოდენობა და ბოლოს კითხვა შეგვიყვარდება.
3.უნდა შევარჩიოთ ჩვენთვის სასურველი ჟანრი

4. ამ ჟანრის ბევრი წიგნი წავიკითხოთ.
  იკითხეთ წიგნები!!!

"კაი ყმა" (ლამაზის და თან ჭკვიანის ნაშრომი)

ქართულ ფოლკლორში მრავალი ლექსია შექმნილი ვაჟკაცის სადიდებლად. ოდითგავე არსებობდა ტერმინი „კაი ყმა“ და სწორედ ამგვარი ვაჟკაცის სადიდებლად შექმნილა არა ერთი ლექსი თუ ზღაპარი.
კარგ ყმად ითვლებოდა ის, ვინც “ მტერს მტრობას გაუწევდა“; ის, ვინც მტერს წინ მიეგებებოდა და რისხვას დაატეხდა; არ შეიმჩნევდა ტკივილს, თავზარს დასცემდა სიკვდილს , ბრძოლის ველზე პირველი მივიდოდა და ბოლო წამოვიდოდა; საჩუქრებს არ დახარბდებოდა; ფხიზლად იქნებოდა მაშინ, როცა სხვას მშვიდად ეძინებოდა; ცდუნება არ დასძალავდა, უსამართლობას ხმალაწვდილი შეებრძოლებოდა; იქნებოდა თავმდაბალი; ყოველგვარ პატივს სახელის მოხვეჭას ამჯობინებდა; და თავის ქვეყნისთვის მზე იქნებოდა – ეს თვისებები უნდა ახასიათებდეს კაი ყმას
ჩამოთვლილი თვისებების უმეტესობა ახასიათებთ „ვეფხისტყაოსნის“ პერსონაჟებს:

პროექტი - „კაი ყმა“ (ზარმაცის, მაგრამ ნიჭიერის ნაშრომი)

●   შესავალი 

  

   კარგ ყმაზე, ანუ ვაჟკაცზე უამრავი ნაწარმოები გვხვდება ქართულ ფოლკლორში, რადგან ეს თემა ქართულ რეალობაში ყოველთვის აქტუალური იყო. ასეთ გმირებს რამდენიმე თვისება ახასიათებდათ, მათ შორის სიმამაცე, შეუპოვრობა ბრძოლის ჟინი, თავდადება და ა.შ. ეს ეპითეტები ფართოდ გვხვდება „ვეფხისტყაოსანში“.

   ნ. ნათაძის აზრით, რაინდობა განვითარებული ფეოდალური კულტურის თანმხლებია, რომელმაც მკვეთრად გამოხატული სახე ევროპის ქვეყნებსა და საქართველოში მიიღო, მისი მტკიცებით, რაინდს (ამ შემთხვევაში ყმას) ჰმართებდა არა მარტო პროფესიული სამსახური, არამედ საგმირო საქმეები და ზოგადად, სიკეთის კეთება - ეს იყო მისი ვალი ღვთის წინაშე.

  

   ზ. კიკნაძის აზრით, ტერმინი „კაი ყმა“ ოდითგანვე არსებობდა ქართულ ცნობიერებაში,

”კაი ყმა” (პროექტი)

ავტორი: X კლასელი (ექსტრემალი)

      ქართულ ფოლკლორში მრავალი ლექსი, მოთხრობა თუ პოემა აქებს და ადიდებს კაი ყმას, ანუ ვაჟკაცს, რაინდს, მამაცს, ძლიერს და გამბედავს – ამ ყველაფერს ერთ ადამიანში გაერთიანებულს. რკინის გული, შევარდნის მუხლი, ქორის თვალი, შეუპოვარი, ძლიერი, ჟინიანი -აი, ის თვისებები, რომლებიც აუცილებლად უნდა ახასიათებდეს ქართველ კაი ყმას. ქართულ მოთხრობებში კაი ყმა ყოველთვის საუკეთესო თვისებებით გამოირჩეოდა.
ნ.ნათაძის აზრით, რაინდობა ფეოდალური კულტურის ერთ-ერთი თანმდევი კულტურაა, რომელიც განსაკუთრებით საქართველოში და ევროპაში იკვეთება. რაინდს ჰმართებდა არა მარტო სამხედრო სამსახური, არამედ საგმირო საქმეები, გასაჭირში ჩავარდნილის დახმარება და სახელის ძიება (არა სიმდიდრის).

პროექტი "კაიყმობა, მამაცობა რაინდობა "ვეფხისტყაოსანში" (გეგმა)

• შესავალი  – ფოლკლორი,  ზეპირსიტყვიერება

1. ვის  უწოდებდნენ კარგ ყმას? 
2.   რა თვისებები ჰქონდა? 
3. ნ.ნათაძის აზრი 
4. ზ.კიკნაძის აზრი

• შუა საუკუნეები

1. ნ.მარი.- ტერმინის განმარტება 
2. ”ვეფხისტყაოსნის” გმირების და ნ.მარის კომენტარების შედარება

• ”ვეფხისტყაოსანი”

1. ვინ არის "კაი ყმა" პოემაში 
2. ავთანდილის ანდერძი 
3. შესასწავლი თავებიდან ციტატები კომენტარითურთ

• ვაჟა-ფშაველას - ”კაი ყმა”

1. თვისებები 
2. მსჯელობა ლექსზე

•    დასკვნითი ნაწილი

1. ვაჟას კაი ყმის და ”ვეფხისტყაოსნის” გმირების შედარება.

მეშვიდეკლასელის რეცენზია ლადო მრელაშვილის "იყალთოელ ბიჭებზე"

      "წიგნი "იყალთოელი ბიჭები" გამოვიდა 1968 წელს. იგი მაშინვე შეიყვარა ქართველმა ხალხმა. ამ წიგნის ავტორი ლადო მრელაშვილია. "იყალთოელი ბიჭების" გარდა, მას სხვა მრავალი საინტერესო მოთხრობა აქვს დაწერილი.
   ეს წიგნი გვიამბობსორ 13 წლის ბიჭზე, რომლებსაც მრავალი რამ გადახდათ თავზე. წიგნის მთავარი პერსონაჟები არიან სანდრო, რომელიც თავისი რგოლის თავმჯდომარეა და გოგია, რომელიც სანდროს მარჯვენა ხელია.
   ამ რგოლში მრავალი ბავშვია, მაგალითად: ლუკას ბიჭი,

ყველაზე წიგნიერი მოსწავლის რეცენზია დიბისი პიერის წიგნზე "ვერნონ გენიოს ლითლი"

წინათქმა:მოსწავლეთა შორის წიგნიერების დონის ასამაღლებლად თვეში ერთხელ

ვატარებთ ხოლმე წაკითხული წიგნების განხილვას. მოსწავლემ უნდა წარმოადგინოს წაკითხული წიგნის მოკლე რეცენზია და გააგვიმხილოს თავისი დამოკიდებულება– ურჩევს თუ არა თავის თანატოლს ამა თუ იმ წიგნს.  ამჯერად, მეათე კლასელი (ყველაზე ნაკითხი და წიგნიერი) ურჩევს თავის მეგობრებს წაიკითხოს დიბისი პიერის "ვერნონ გენიოს ლითლი".
    რაღა დაგიმალოთ და მე ეს წიგნი არ წამიკითხავს, თუმცა ოთხშაბათს (24.11.10) ვყიდულობ და ვკითხულობ.
ახლა კი გაგაცნობთ რეცენზიას:

ტესტი 6, IV კლასი

კვირის შემაჯამებელი ტესტი , ორშაბათისთვის     19.11.10

1.წარმოიდგინე, რომ შენი მეგობრები არწივთა საბინადრო ადგილებში ლაშქრობას აპირებენ. ჩამოუწერე მათ ის ცნობები არწივის შესახებ, რომელთა გათვალისწინებაც უსაფრთხოდ მოგზაურობაში დაეხმარება.

2.დაასრულე სიტყვები:

·         მონადირ......     ტყეში დაბანაკდნენ.

რაინდობა, მამაცობა, "კაიყმობა" "ვეფხისტყაოსანში" ( I ეტაპი)

   პირველ რიგში უნდა აღვნიშნო, რომ თემას ვწერთ შემდეგი თავების შესწავლის შესწავლის შემდეგ:

1."თინათინისაგან ავთანდილის გაგზავნა მის ყმის საძებრად"

2." შეყრა ტარიელისა და ავთანდილისა"

3. "ამბავი ტარიელის გამიჯნურებისა პირველ რომ გამიჯნურდა"

4." ნესტანისაგან ტარიელის ხმობა"

ცნობიერთა დასტაქარი

1. ვინ იყო ავთანდილი? გაიხსენე და მოკლედ მიმოიხილე ავთანდილის ანდერძი
2. კიდევ რომელ თავში ჩანს ავთანდილის სიბრძნე?("პოვნა ავთანდილისაგან დაბნედილის ტარიელისა")
3. რა არგუმენტები გამოიყენა ავთანდილმა ტარიელის გონს მოსაყვანად? (ისაუბრე და იმსჯელე შემდეგ საკითხებზე):

• ბრძენი კაცის ავთანდილისეული განმარტება
• "ხამს მამაცი მამაცური, სჯობს, რაზომცა ნელად ტირსა".
• "ჭირსა შიგან გამაგრება ასრე უნდა, ვით ქვიტკირსა".
• "ვინ არ ყოფილა მიჯნური"?
• "არ იცი, ვარდნი უეკლოდ არავის მოუკრებიან".
• "ოდეს ტურფა გაიეფდეს, აღარა ღირს არცა ჩირად".
• "ბედი ცდაა, გამარჯვება, ღმერთსა უნდა, მო–ცა–გხვდების"

4. როგორ რეაგირებდა ტარიელი ავთანდილის ნათქვამზე?
5. რა ხერხი მოიგონა ავთანდილმა ტარიელის გამოსაფხიზლებლად?
6. დაწერე შენეული კომენტარი ტარიელის სიტყვებზე :"გონიერსა მწვრთენლი უყვარს, უგუნურსა გულთა ჰგმირდეს"
7. იმსჯელე საკითხზე: "გველსა ხვრელით ამოიყვანს ენა ტკბილად მოუბარი". (შეაჯამე მსჯელობა)

ტესტი, IV კლასი,

1.შეადგინე წინადადებები მოცემულ სიტყვებზე:

• გული .......................................
• გულმა .....................................
• გულს .......................................
• გულის ....................................
• გულით ..................................
• გულად ..................................
• გულო, ....................................

2. შემოხაზე ნათესაობითი, მოქმედებითი  და ვითარებითი ბრუნვის ფორმები: 

• თაგვის ძალიან ეშინია სპილოს.                
• ლომმა საშინელი ხმით დაიღრიალა.           
• ლომი ცხოველთა მეფეა.                            
•  არწივის შვილს მართვე ეწოდება. 
• არწივი მოუდგომელ ადგილებში ცხოვრობს.  
• ლომის ბასრ კლანჭს ვერავინ გადაურჩება.  
• არწივად მოეჩვენა დიტოს ცაში მონავარდე ქორი.
•   ლომად გადაქცევა ინატრა პატარა თაგვმა 
• დაჭერილი ლომით იწონებდა თავს გამოცდილი მონადირე. 
• თაგვით აშინებდა დედალი წიწილებს. 
• მოშინაურებული არწივით ნადირობა გავრცელებულია ზოგიერთ ქვეყანაში
•   ლომს უნდა მოერიდო, თორემ გაუფრთხილებლობა ძვირად დაგიჯდეს. 
• არწივმა მგზავრებს ამაყად გადახედა.

3. მიუწერე სიტყვას,  რომელ ბრუნვაშია:

ბედნიერ ვარსკვლავზე დაბადებული

 ბედნიერ ვარსკვლავზე დაბადებული – იტყვიან ადამიანზე, რომელსაც იოლად გამოსდის ყველაფერი, იღბლიანია და ადვილად აღწევს წარმატებას. (ყურადღებით წაიკითხე ტექსტი და გაიხსენე ,რა შემთხვევაში ვამბობთ ასე)

      "ჩემი მეგობარი  ძალიან საინტერესო ადამიანია, უყვარს წიგნების კითხვა და მეგობრებთან ერთად გართობა. ხშირად ვხვდებით ხოლმე და ვიხსენებთ სკოლის პერიოდს, ჩვენს კლასელებსა და მასწავლებლებს. ეს საუბარი ყოველთვის ერთი ფრაზით სრულდება:

–შენ ბედნიერ ვარსკვლავზე ხარ დაბადებული! – ვეუბნები მე.

     ამაზე ჩემს მეგობარს ეღიმება , თავადაც იცის, რომ ეს ასეა. მე კი ის ვიცი, რატომ ვამბობ ამას:  ერთი საკითხიც რომ ჰქონოდა ნასწავლი გამოცდაზე სწორედ ის საკითხი შეხვდებოდა, უნივერსიტეტში მისაღებ გამოცდაზეც ტესტის ის ვარიანტი შეხვდა, რომელიც უნდოდა, ჩააბარა თუ არა, გაიცნო  გოგონა, რომელიც შეუყვარდა და ცოლად მოიყვანა, შემდეგ მოინდომა, საკუთარი ბიზნესი წამოეწყო და ესეც ჩინებულად შეძლო. ახლა საახალწლოდ კიდევ ერთ მომგებიან კონტრაქტს აფორმებს.... მოკლედ, ბედნიერ ვარსკვლავზეა დაბადებული."

    ისტორია: ამ ფრაზის ისტორია უკავშირდება ძველ წარმოდგენას სამყაროს შექმნის თუ ადამიანის გაჩენის შესახებ. ძველად ეგონათ, რომ როცა ადამიანი მოევლინებოდა ქვეყანას, მისი ბედის ვარსკვლავი ცაზე სწორედ მაშინ ჩნდებოდა. ადამიანის გარდაცვალების შემდეგ კი წყდებოდა. ვინც იღბლიანი იქნებოდა, მას ბედი სწყალობდა და ბედნიერ ვარსკვლავზე დაბადებულიაო.–ამბობდნენ, ხოლო, ვისაც არ უმართლებდა, საკუთარ წარუმატებლობას უბედურ ვარსკვლავს აბრალებდა.

      სამყაროს შესახებ  ამგვარი წარმოდგენა დღეს აღარ არსებობს, თუმცა გამოთქმა დამკვიდრებულია და ხშირად გაიგებთ.